Էմիլի Դիքինսըն. Emily Dickinson

(1830-1886թթ., ԱՄՆ)


Ես մի քույր ունեմ տանը

Ես մի քույր ունեմ տանը
և մի ցանկապատ հեռվում,
ու թեև գրանցումով՝ միայն մեկը,
բայց երկուսն էլ ինձ են պատկանում:

Մեկը նույն իմ ճամփով է գալիս,
հագնում է փոքրացած շորերս,
մյուսը թռչնի պես է, իր բնում
շյուղ առ շյուղ կպցնում է մեր սրտերը:

Պաբլո Ներուդա. Pablo Neruda

(1904-1973թթ., Չիլի)

Բացի մահվանից ոչինչ 

Եվ գերեզմանոցները մենակ են այնտեղ,
և գերեզմանները լիքն են ոսկրերով անձայն,
և սիրտը անցնում է թունելով,
և սիրտը լի է մթությամբ:
Մենք հանձնվում ենք ինքներս մեզ ու մեռնում նավաբեկյալների նման,
որովհետև վաղուց էինք խորտակվել մեր սրտերի մեջ,
որովհետև ապրում էինք կաշիներս փրկելով:

Եվ այնտեղ դիակներ կան՝
ոտքերը՝ պաղ ու կպչուն կավ:
Մահը ոսկորների մեջ է,
հաչոցի պես, ուր բացակա է շունը,
հաչոցի պես, որ լսվում է հեռու զանգերի միջից, հողաթմբերի մոտից, 
և օդը անձրևոտ է ու թաց՝ արցունքի պես:

Ջեյմս Վինսընթ ՄըքՄորո. James Vincent McMorrow

(Ծնվ 1983թ., Իռլանդիա)

Այրվող գծագրից ներքև

Երբ բլուրները հեռանում են
Դանդաղ մարում ջրում՝ հին աշխարհի սիրո պես
Ուրուներով բեռնված նավում
Տեսնելու բան է

Երբ բարալիկ աղջիկները
Մանրիկ ոլորուն հյուսքերով
Հագից նետում են վերարկուները,
կոպիճներն ու քարերը նավեզրից
Հետևելով
Իրենց նետած քարերին, ջուրը նետած քարերին
Տեր Աստված, իրենց նետած քարերին, իրենց նետած քարերին

Ռիչըրդ Բրոթիգըն. Richard Brautigan

(1935-1984թթ., ԱՄՆ)

Նարինջներ

Ախ, ինչ անթերի է մահը
հաշվարկում ոտնահետքերիցդ
թեժագույն նարնջաքամին,

ու դու կանգ ես առնում մեռնելու
մի այգում, ուր բերքը
լցվում է աստղերի մեջ:

Աշխատանք ոչ գրասեղանի շուրջ. Ֆոտոշարք

Գաբրիել Գարսիա Մարկեսն իբրև լրագրող սկսել է աշխատել դեռևս ուսանելու տարիներից, երբ սովորում էր Կարթագենի համալսարանի իրավաբանության ֆակուլտետում:
Արձակագիր Արամ Պաչյանը սովորել է ԵՊՀ իրավագիտության ֆակուլտետում, աշխատել է որպես քննիչ, այնուհետև՝ լրագրող «Հրապարակ» օրաթերթում: